古今

營業中

休息中

🔺 古今 (銅鑼灣)難得早阻收工，同老公撞下彩walk in 黎呢間平時要book 位既日本餐廳食野，建議大家都要book 阻位先黎～🔻煙花（$108)面頭有辣味吞拿魚蓉同蟹籽，入面係辣味三文魚同芝士，雖然佢寫辣味，但其實唔係好覺，可能係芥末味蓋阻辣味，食得出材料新鮮，味道豐富，份量亦都唔少～🔻金龍卷（$105)面頭有三文魚，入面係炸蝦同埋芝士，炸蝦就脆唔會淋晒，蝦肉都好滿，唔會粉多過蝦。🔻椒鹽雞腎（$32/串）雞腎爽脆唔un,調味都岩岩好唔會淡或者過咸，而且燒得幾香。🔻櫻花蝦茄子燒（$88)原條茄子份量好大，仲有大量櫻花蝦好足料，味道唔錯咸咸甜甜咁，如果少d 油就更好～🌟呢到既服務唔錯，會主動斟茶同埋收碟，店員都好親切有禮。環境方便，坐位都舒服唔會同隔離枱好貼。