韓牛韓式燒烤 (已結業)

近排天氣凍凍，冇咁熱，一於同好朋約埋一齊去旺角食好西行經創興中心，見到呢間韓燒抵食，$198任食任飲，於是就沖左入去食。環境唔錯，幾有韓式嘅味道，啲凳係用鐵筒做，好特別！款式仲好多添，肉都有好多種，例如肥牛、牛柳、牛柳粒、牛仔骨、五花腩、羊肉、魚柳等等。我最鍾意就係食牛仔骨，超有牛味，而且好鮮甜，連我朋友都大贊！呢個魷魚BB真係好好食，好juicy好好食除咗燒肉之外，仲有日式食品可以揀，例如刺身、沙律、凍青口、凍蝦及壽司，款式好多，一樣都好味。仲有沙律吧添，啲沙律菜好新鮮，仲可以解膩最後就梗係食甜品啦，好多選擇，例如有啫喱、椰汁糕、生果等等，仲有朱古力噴泉同埋棉花糖機添！我好鍾意食朱古力噴泉，好玩又得意！