芝樂坊餐廳

Cheesecake Factory 開將以黎都多人排隊，好多時夜晚去到見到都唔想等。今次我地3個揀左食2點後嘅時間，去到拎左個pager，等左30mins就有檯啦。其實menu上好多款都想試，結果我地揀左一個熱食頭盤，長通粉同埋2件cake。熱食頭盤係蟹餅$188，原來一碟只得3件，果然好珍貴。蟹餅炸到金黃色，食落都幾多蟹肉。仲可以配上芥茉及他他醬。芝士四重奏長通粉$168 長通粉配上4款唔通嘅cheese，好芝味。cheesecake factory點可以唔食蛋糕，要喺咁多款之中揀到都唔係易事。我地望完menu，當然走出去蛋糕柜望下啦，點知仲難選擇左。最後，我地揀左必試嘅無敵紅絲絨芝士蛋糕$80（因為餐廳signature)，再加埋朱古力榛子脆脆芝士蛋糕$80。兩件cake都有一大舊cream，可以配埋cake一齊食，cream打得幾滑。兩款cake我較喜愛紅絲絨，蛋糕分左3層，感覺好match，唔太甜。至於朱古力+榛子，相信唔需要講都知好甜，好適合喜歡甜嘅朋友。飲品係皇家焦糖咖啡同埋Classic lemonade，lemonade要叫少甜。