早晨麵包 (已結業)

前果排放工行左去上環,走左黎試下佢d 包包;有一排係上環返工,但係都唔知有間咁正既面包店;好多款式,有d都幾特別架;先後試左幾款包:雙料芝士包(入面有一粒粒既芝士,面頭係平時芝士包咁,有d沙律醬,唔錯)、雜菜包(有磨菇同埋蕃茄係面,好好味啊~~)雞尾包(個面好好味,但係入面好少餡);我最中意既鮮奶球(好大個,不過唔夠脆;另有朱古力鮮奶球)同埋香草芝士包(呢隻好好味;個包似豬柳漢堡個包咁,入面係一粒粒芝士,正~~); 可惜朝早唔夠時間去買,所以我通常放左工先去買..不過到左放工果個時間去買面包半價,勁平;抵食啊!