老媽拌麵 (荃灣廣場) (已結業)

近期想食啲台灣野，諗返起以前有食過依間餐廳，咁就返黎回味下，荃灣依間都好似開左幾耐下，晚市都好多人黎食。我哋揀左佢新出既兩人套餐，一份係酥炸雞排肉燥飯，另一份係私房花雕雞伴麵，雞排size正常，炸得好酥脆，肉燥撈飯好開胃，而個滷水蛋做到流心效果，都夠味。花雕雞都重酒味唔會老，另外仲有一啲菌同秋葵作為伴菜，刀削麵既軟硬適中，不過就係比較少汁。仲有一份小食叫左滷水牛三寶拼盤，有豆腐底、牛展、牛筋、牛肚、滷水蛋，全部野都入味，牛筋都夠淋，正正常常。飲品叫左金羅漢果海底椰、柚子蜜綠茶，金羅漢果海底椰係朋友叫，佢就話比較甜，而柚子蜜綠茶就清新又唔會好甜。最後仲有甜品，我地都揀左草莓醬dreyers 雪糕，好味😋可以同朋友一齊試吓，吹下水。