芝樂坊餐廳

呢日同朋友仔喺尖沙咀行完街覺得有啲肚餓，經過個商場見到呢間餐廳，我朋友話呢間餐廳好多cheese cake好正，所以想入去試吓，餐廳嘅門口一望就覺得好似歐美嗰啲餐廳，個接待員都係外國人，嗰陣時因為都已經九點幾，所以都冇咩人唔使排隊，一入到去坐低我覺得個環境好正地方幾闊落，裝修都好靚同埋個音樂令人覺得好relax好舒服，好似去咗外國旅行咁哈哈，我哋叫咗一個沙律一個意粉同兩件芝士蛋糕，因為佢個份量好大份跟外國餐廳咁，我哋四個人都食得好飽，食埋件cheese cake就覺得好滿足😋