好豆製研究所 (已結業)

好豆製研究所係專賣每日新鮮製作嘅濃豆乳🤤 除咗最基本嘅原味同特濃豆乳，仲有「調」 同埋「製」呢兩個特色系列嘅豆乳，加埋有十幾款口味㗎🤤有啲口味仲可以揀微糖/無糖～另外，幾欣賞佢哋膠樽嘅設計，又靚又夠硬淨，飲完帶返屋企洗乾淨又可以繼續用👍🏼 不過呢樣都係成本之一，所以佢哋嘅豆乳比一般港式豆漿貴唔少，價錢同一杯手搖飲品差唔多～•🥢 原味豆乳 (微糖) $20原味豆乳就可以試清楚佢哋嘅賣點喇😛 因為我怕無糖飲落會太「寡」，所以就叫咗微糖。佢哋嘅豆乳真係比一般嘅濃，豆味更濃郁，質哋都稍為竭身少少，但口感都好滑，飲到底唔會有渣～•🥢 黑芝麻豆乳 $26黑芝麻味幾香濃，同時又唔會蓋過豆乳嘅味！•🥢 烏龍茶豆乳 $26一開始未飲原味就飲咗呢款，所以覺得同飲普通豆漿差唔多😂🙈 有比較之下就發現其實係有淡淡嘅烏龍茶甘味，但係豆味都係比較突出，作為茶控嘅我就有啲失望😬•🥢 燕麥豆乳 $26燕麥份量好多，飲之前一定要先搖勻～呢款飲落比較普通，因為只係豆乳加燕麥，味道同原味分別不大，只係多咗啲口感同飽腹感～🤣