影片
更多
2022-12-29
47 瀏覽
成日係唔同地區都見到呢間嘢，上OpenRice見間間都咁多好評，但每次入邊嘅人流都唔多，已經覺得奇怪膽粗粗就入咗去試吓，點知成為咗我當日最後悔嘅一個決定店員推薦佢哋嘅麻辣湯底，話用唔同材料去整，仲同我講比譚仔嘅小辣再辣啲見佢咁推介，就叫個麻辣湯底小辣碗米一黎到，即刻嘩咗一聲，成層紅油係面😰仲要好大陣羶臭味😰我同我朋友試完啖湯，已經好想嘔，係超級羶臭跟住我同個店員講，佢哋仲好淡定咁話：「師傅話本身啲湯底係會有陣羶味」我真係嚇咗一跳，即係你地明知個湯係羶，你哋仲好意思賣成$60比啲客人食？😰仲要話本身個湯係羶味，即係根本唔係自己用材料煮，而係用咗啲麻辣湯底包/磚啦？由於啲米線已經吸哂啲羶味，係一啖都食唔到，個店員只係話：比碗細嘅豬骨湯你過一過啲味（仍然食唔落）我覺得最離譜嘅係，佢一落完單就要你即刻俾錢，但佢又唔係啲自助形式係唔係明知自己啲湯底有問題，所以焗住個客點都要俾咗錢先，食唔落你係嘅事？真係好嬲，上網睇返原來先有人講呢間係大陸野，同大陸間「愛上米線」同一間野，咁我明白點解佢話啲湯本身有羶味🙂請大家入去食之前三思而後行上網見到：「店主悉心研製其獨家麻辣醬，以多款辣椒如美人椒、青綫椒、指
膽粗粗就入咗去試吓，點知成為咗我當日最後悔嘅一個決定
店員推薦佢哋嘅麻辣湯底，話用唔同材料去整，仲同我講比譚仔嘅小辣再辣啲
見佢咁推介，就叫個麻辣湯底小辣
碗米一黎到，即刻嘩咗一聲，成層紅油係面😰
仲要好大陣羶臭味😰
我同我朋友試完啖湯，已經好想嘔，係超級羶臭
跟住我同個店員講，佢哋仲好淡定咁話：「師傅話本身啲湯底係會有陣羶味」
我真係嚇咗一跳，即係你地明知個湯係羶，你哋仲好意思賣成$60比啲客人食？😰
仲要話本身個湯係羶味，即係根本唔係自己用材料煮，而係用咗啲麻辣湯底包/磚啦？
由於啲米線已經吸哂啲羶味，係一啖都食唔到，個店員只係話：比碗細嘅豬骨湯你過一過啲味（仍然食唔落）
我覺得最離譜嘅係，佢一落完單就要你即刻俾錢，但佢又唔係啲自助形式
係唔係明知自己啲湯底有問題，所以焗住個客點都要俾咗錢先，食唔落你係嘅事？
真係好嬲，上網睇返原來先有人講呢間係大陸野，同大陸間「愛上米線」同一間野，咁我明白點解佢話啲湯本身有羶味🙂
請大家入去食之前三思而後行
上網見到：「店主悉心研製其獨家麻辣醬，以多款辣椒如美人椒、青綫椒、指天椒、花椒等自行打粉爆炒，製成自家麻辣醬，麻、香、辣平衡有致」
你地好唔好意思講出口？仲好意思拎嚟同譚仔比😀人地個湯好過你多多聲，起碼唔係一層紅油囉
2 瀏覽
0 讚好
0 留言
張貼
