香港郵意 (已結業)

話說今日係我與她的文青日。早去左歷史博物館睇一場人類古文明起源既展覽，然後搵到不遠既地方有呢間香港郵意餐廳。去到門口，餐廳收銀旁邊有一排螢幕睇到好多西餐揀，基本例如意粉、Pizza同沙律等等，價位都唔算貴。於是我與她就叫左個龍蝦茄醬意粉同卡邦尼意粉，再叫左杯cappuccino 同香芋奶茶。由於個場都比較大，俾左錢都會收到個通知bibi機，個餐準備好就會響。作為一間文青餐廳，杯野飲係最緊要既。而我地叫果杯cappuccino 同香芋奶茶味道同個拉花一d都唔失禮，尤其香芋果杯個色都好靚，她都讚不絕口。另外個個卡邦尼意粉都中規中矩，份糧有少少岩女仔多d，如果男仔可能要叫多個先夠飽。而我自己叫果個龍蝦意粉就真係有足料睇相就知！順手講下個文青裝修都相對其他餐廳都好有特色，走廊都有唔同時事議題關注事項，冷知識同埋以簡約風格介紹都覺得間餐廳有心俾人知多d香港身邊既人和事。