石磨樂豆 (裝修中)

呢排香港好興豆類嘅甜品🍮我自己就超鐘意飲豆漿、豆乳，同埋食豆腐花！難得經過開調景嶺，梗係要試吓創辦人喺新加坡旅行中，帶嚟來自新加坡30年老字號嘅《石磨樂豆》啦！《石磨樂豆》嘅豆類食品選擇真係好多！除咗有唔同花款嘅豆腐花（例如：珍珠、芋圓、桃膠）之外，仲有西米露、多款飲品（例如：豆乳、冰沙、奶蓋等）😋唔單止呢幾樣，呢度仲有吐司🍞同埋布甸食！今次我就叫咗✅田園慢煮雞扒吐司 $41✅三色芋圓西米露 $39✅奶蓋芋泥小丸子 $39✅熱好立克豆乳 $29我真係好鍾意佢所有食品都有濃郁嘅豆乳味！另外，我估唔到好立克同豆乳都可以咁夾！好得意呀！（而除咗好立克之外，呢度👈🏾嘅即磨咖啡同埋9 °微甜濃豆乳都係熱飲嚟，好啱養生嘅我！）😌我仲知道舖頭間中會有期間限定款，例如川貝枇杷膏豆腐花（我未有勇氣試🤣）住將軍澳嘅朋友，食糖水又有另一選擇啦！