川味港威記川菜 (已結業)

上星期睇到某報紙一篇飲食稿,講到好好食咁,於是尋晚約埋2個friends 去試. 之前我仲已經上左openrice.com睇人地d食評,因為有朋友話個d食評都講得幾中肯,我見有4個食評,個個都講得幾好,於是放心去試. 尋晚我地叫左4樣野,包括: 剁椒魚頭,口水雞,擔擔麵同干扁涼瓜. 4樣都係好尋常o既川菜喇. 剁椒魚頭(老細推介) - 用左新鮮辣椒,但成個魚頭只得辣味,d魚雲連一d鹹味都無!!!!口水雞(朋友至愛) - 又係只得辣味, d雞無味- 既無雞味又無鹹味,而且一d都唔麻.擔擔麵(中辣--其他食評介紹o既!) - d麵用左類似壽桃牌個種好幼o既麵,而且d麵有種"行"味,好明顯就係d麵太舊,而且煮得太"林",有d糊口. 調味就既無麻味(無花椒或唔夠),亦無花生醬或麻醬味,好在仲鹹鹹地,最多只係有d辣味.干扁涼瓜- 呢樣最似樣勒,唔係話佢似川菜,只係話佢d味道正常. 本來仲叫左個毛血旺,但伙記唔記得落單,大家都鬆一口氣,唔係就死火. 我地3條友勉勉強強食完呢餐唔知點形容好o既所謂川菜,即刻落tst食潮州野,先食得飽咋. 雖然餐川菜唔貴,每人食左$52蚊,已連一枝啤酒,但唔好食嘛