影片
更多
2010-01-16
18 瀏覽
好唔好食又睇落去 316 回: 串燒 SAMMI 容祖兒@銅鑼灣明串燒http://hk.myblog.yahoo.com/goodboy_philip/article?mid=39790拗拗腰食串燒, 阿 sa 食左變阿嬌...一啖一啖食, 吹下水係人生一樂事! 懶理脂肪大超標呢! 呢間0係銅鑼灣明串燒有天后鄭秀文同容祖兒幫襯, 價錢唔算過火, 所以一於試試! 至於好唔好食? 又睇落去? SAMMI 曾經係座上客! 容祖兒都係, 兩代天后 FANS 得閒不妨去撞下佢地啦? (WA! 咩呢篇好似賣廣告咁既?!!) 我無收過錢架! HAHA... 地址: 銅鑼灣景隆街32號地下 鮮菜沙津 : 呢個係茶芥前菜, 唔係太貴唔緊要啦! 鹽燒美國安格斯牛柳 : 半熟有肉汁, 外層鹽燒好惹味啊! 燒得0岩0岩好, 祖兒變紅棗.......(爆爛!!!) 鹽燒加拿大比目魚 : 燒比目魚比燒鯖魚易入口, 因為無咁腥, 肉質就無銀鱈魚咁滑! 燒美國小牛排 : 小牛排比牛柳有肉味, 係老小小少少! 鵝肝雞翼 : 將鵝肝醬釀入雞翼, 香脆雞翼大大舊包住鵝肝醬! 雖然鵝肝醬好熟, 不過混合埋一齊都幾好味吖!
http://hk.myblog.yahoo.com/goodboy_philip/article?mid=39790
拗拗腰食串燒, 阿 sa 食左變阿嬌...一啖一啖食, 吹下水係人生一樂事! 懶理脂肪大超標呢! 呢間0係銅鑼灣明串燒有天后鄭秀文同容祖兒幫襯, 價錢唔算過火, 所以一於試試! 至於好唔好食? 又睇落去?
SAMMI 曾經係座上客!
容祖兒都係, 兩代天后 FANS 得閒不妨去撞下佢地啦? (WA! 咩呢篇好似賣廣告咁既?!!) 我無收過錢架! HAHA...
地址: 銅鑼灣景隆街32號地下
鮮菜沙津 : 呢個係茶芥前菜, 唔係太貴唔緊要啦!
鹽燒美國安格斯牛柳 : 半熟有肉汁, 外層鹽燒好惹味啊!
燒得0岩0岩好, 祖兒變紅棗.......(爆爛!!!)
鹽燒加拿大比目魚 : 燒比目魚比燒鯖魚易入口, 因為無咁腥, 肉質就無銀鱈魚咁滑!
燒美國小牛排 : 小牛排比牛柳有肉味, 係老小小少少!
鵝肝雞翼 : 將鵝肝醬釀入雞翼, 香脆雞翼大大舊包住鵝肝醬!
雖然鵝肝醬好熟, 不過混合埋一齊都幾好味吖!
肥牛芝士卷 : 食左變木村...(再爆...) 芝士半溶又香又惹味! 得呀!
鹽燒廣島蠔 : 鹽燒真係明串燒既主打, 燒得都唔錯, 蠔入口仍然濕潤同小小肥美!
汁燒翡翠螺 : 翡翠螺大大粒, 奈何螺肉質感真的不太喜歡...
銀鱈魚西京燒 : 跟食開既銀鱈魚相比, 呢塊無咁滑, 亦燶左 d...
雞骨豬肉腸 : 唔駛要檸檬汁吊味喇! 食到豬肉味, 雞肉味就唔覺有, 不過腸仔好好味呀!
鹽燒雞皮蝦卷 : 我知呢一串係肥脂勁, ng...人地真係忍唔到口吖嘛...
稻庭烏冬 : 烏冬浸醮油, 食完唔使愁...只為飽肚, 無咩特別。二人埋單四百五。
環境: 2.5 (銅鑼灣寸金尺土, 略嫌逼陝...)
衛生: 3
服務: 3
味道: 3
價錢: 3 (有 D 串燒抵食, 有 D 就無咁抵食, 例如燒小牛扒 $30 兩串, 不過一串鹽燒雞皮蝦卷要 $22)
最終評分: 3
明串燒,串燒,銅鑼灣,MI,SAMMI,鄭秀文,JOEY,容祖兒,日本,東京,好孩子
張貼
