影片
更多
2009-04-11
25 瀏覽
8-4-2009 (三)嗰日同屋企人四個人一齊去食Pizza Hut…見到有新款既Pizza----海鮮雞肉芝麻脆邊批所以就叫左個滋味盡情4人套餐個套餐原價$515…而家就$328…有好多野揀…我地亦都轉左好多野:原本係4杯汽水,我地就每杯加$10…兩杯轉左 朱古力肉桂曲奇咖啡冰, 而另外兩杯轉左 冧酒鮮奶咖啡.之後係湯4客, 一致地要晒蘑菇忌廉雞湯,不過又每碗加$8,轉左酥皮湯.繼續既係前菜2客,係喺個前菜組合度揀2款,我地要再焗吞拿魚白菌配黑松露醬同意式菠菜雞肉酥卷伴沙律.跟住既係Pasta Perfetto 2,都係喺個Pasta Perfetto組合度揀2款,我地要左海鮮墨汁芝士意粉同龍蝦汁海鮮天使麵.而個Pizza緊係要左海鮮雞肉芝麻脆邊批…我地仲加$13要左個木糠布甸~而我地之前申請做會員既時候有coupon…就係堂食可以有一個普通批送…我地加$15轉做千島海鮮…好…講講食物先酥皮蘑菇忌廉雞湯一致都話好正…冇得頂~讚~朱古力肉桂曲奇咖啡冰幾好飲~咖啡味淡左D…賣相好靚喔~冧酒鮮奶咖啡唔係我飲…試左一淡…完全冇左咖啡味…好似飲緊酒….麻麻地焗吞拿魚白菌配黑松露醬呢樣唔係幾好食
嗰日同屋企人四個人一齊去食Pizza Hut…
見到有新款既Pizza----海鮮雞肉芝麻脆邊批
所以就叫左個滋味盡情4人套餐
個套餐原價$515…而家就$328…
有好多野揀…我地亦都轉左好多野:
原本係4杯汽水,我地就每杯加$10…兩杯轉左 朱古力肉桂曲奇咖啡冰, 而另外兩杯轉左 冧酒鮮奶咖啡.
之後係湯4客, 一致地要晒蘑菇忌廉雞湯,不過又每碗加$8,轉左酥皮湯.
繼續既係前菜2客,係喺個前菜組合度揀2款,我地要再焗吞拿魚白菌配黑松露醬同意式菠菜雞肉酥卷伴沙律.跟住既係Pasta Perfetto 2,都係喺個Pasta Perfetto組合度揀2款,我地要左海鮮墨汁芝士意粉同龍蝦汁海鮮天使麵.
而個Pizza緊係要左海鮮雞肉芝麻脆邊批…
我地仲加$13要左個木糠布甸~而我地之前申請做會員既時候有coupon…就係堂食可以有一個普通批送…我地加$15轉做千島海鮮…
好…講講食物先
酥皮蘑菇忌廉雞湯
一致都話好正…冇得頂~讚~
朱古力肉桂曲奇咖啡冰
幾好飲~咖啡味淡左D…賣相好靚喔~
冧酒鮮奶咖啡
唔係我飲…試左一淡…完全冇左咖啡味…好似飲緊酒….麻麻地
焗吞拿魚白菌配黑松露醬
呢樣唔係幾好食…D味怪怪地….賣相也不特別討好…早知就要蟹籽沙律卷喇
意式菠菜雞肉酥卷伴沙律
呢個好正…咬落酥皮夠鬆化~讚~
不過少左D….
沙律好似唔顯眼…但係其實好好味~
海鮮墨汁芝士意粉
墨汁意粉唔多好-.-好似普通意粉咁…芝士幾夠…都幾好味
龍蝦汁海鮮天使麵
呢個一流~讚
海鮮有蝦…都幾足料~好味
千島海鮮批
因為一次過上左好多野食…所以冇理到個批….搞到凍左-.-
食落硬左D…但係都係好味~
海鮮雞肉芝麻脆邊批
呢個係最好味~之前上個一次…但係我地擺到成枱都係野食…所以俾左另一張枱先…所以第二次再上既時候就即刻食得…勁好味
個邊冇乜芝麻…好夠脆~仲有我最鐘意既蒜蓉味…好似係蒜蓉包嗰隻味…超好食反而D餡冇乜特別…配合埋個邊….好味~讚~
木糠布甸
我冇食到…不過家人話好食~但係睇落個樣就唔係幾好咁….
D員工既態度依然有水準,,,有笑容,,,會問你幾時上甜品…讚~
食完就飽死…埋單我地有會員卡….折埋$440…..
都算抵既~
張貼
