新記越式牛肉粉 (已搬遷) 新店位置

有次經開長沙灣又口啖啖，想食下越南嘢酸酸地開胃，誤打誤撞入咗去新記。坐落就唔算特別舒服，店面唔大，但望落乾淨。見到餐牌都幾多選擇，除咗一貫湯粉同撈粉外，其他小食亦多選擇。嚟咗幾次，每次都叫唔同嘢，湯檬同凍檬都中上水平，當中推介香茅系列，煎得好香好好食！另外亦有一款叫火車頭河粉亦大受歡迎，即係什錦，亦都幾好食！小食入面，首選越式扎肉雞絲米卷，好好食，入面好足料，一人兩件加埋碗麵已經好飽，值得一試。呢間嘢除咗價錢合理，每碗麵只係40蚊左右，小食亦係20-30左右，更重要係伙計好有禮貌，令你食得更加開心舒暢！