La Vigne (已結業)

朋友邀請到大角咀此餐廳吃飯，第一次到來，感覺氣氛不錯。一行六人點了：美國Prime西冷牛扒，牛扒牛肉味濃，又唔韌，勁正！香烤BBQ豬肋骨，估唔到禁大份，簡直大件夾抵食，我哋五個人分每人都有兩條骨，非常美味！龍蝦尾燴意大利飯，龍蝦啖啖肉，好味！西班牙黑豚鞍扒，豬扒好juice又滑，配上蘋果蓉燒汁，簡直係我全場至愛。另外要了幾款小食：西班牙黑豚火腿片伴哈密瓜，哈密瓜又甜又新鮮，和火腿片好夾：還有焗生蠔，生蠔有蒜蓉、香草和芝士三種味道，不過要預訂；另有溫泉蛋炸雞沙律伴他他汁，飲手工啤酒一流。由於朋友生日，我們叫了餐廳自家製的鹹蛋黃雪糕，雪糕很滑，又有鹹蛋黃的香味，又不會過甜，並特別要求寫上名字和生日快樂字句，給好友一個意外的驚喜。預訂仲有九折優惠！下次一定要再來！