陸陸雞煲火鍋 (已結業)

話說開始有秋意，就好想食雞煲同火鍋，咁見到陸陸雞煲有個每人298嘅雞煲龍蝦海鮮火鍋，覺得超正就同朋友嚟試吓啦！一入到去就覺得個裝修幾靚，牆身印咗啲圖好得意，啲圖都係關於雞煲嘅！一開始呢就送咗個東風螺，凍食嘅，食落都新鮮，咁嘢飲呢就要自己另叫嘅，我就叫咗一杯特飲超大杯！之後雞煲我哋要咗個中辣，咁我同朋友都食得辣嘅，中辣就啱啱好，啲雞都炒到好香同埋啲配料都好香！食完雞煲之後，店員就好快幫我地換咗火鍋煲，個火鍋係龍蝦湯底嘅，裏邊仲有原隻龍蝦係入面真係睇落都覺得好味！咁店員就開始上其他火鍋配料啦，最主要嘅梗係個海鮮拼盤啦！之後再上咗啲手打丸、各種餃子、雜菌、魚皮、響鈴、豬肉、牛肉、蔬菜拼盤等等！咁主打我哋緊係食咗海鮮先啦，海鮮真係好新鮮，隻鮑魚仲識郁嘅，食完簡直係大滿足啦，而隻龍蝦都唔差，手打丸同啲餃都好食！最後甜品仲有冰冰西瓜同雪糕糯米糍添！