珍一料理 (富榮大廈) (已結業)

今日工作順利，收工比較早，特地來到路德圍買幾樣好餸回家食飯，順便給爸媽一個驚喜。留意到專門售賣川麻風味既『珍一料理』，有麻辣牛筋，牛柏葉， 金錢肚，豬肚，豬耳，又有五香牛展，東坡肉等小菜，好想試下～～～睇介紹，除荃灣店外，原來灣仔，旺角，黃竹坑等都有分店，愈開愈多，仲有中央廚房每日新鮮製造， 唔怪得有甘多款式可以選擇！！！🎯川麻三拼 $55第一次黎每樣都想試下，單點一款$35，三拼，3 款竟然只係$55，抵好多～～麻辣豬肚條無雪味，口感煙煙靭靭，幾好食。脫骨香豬肘無骨，全部都係肉，半肥半瘦，爽口又彈牙。香麻牛蹄筋夠香夠麻又夠辣.... 送酒一流，可以再炆淋d 。🎯五香三拼 $50同樣選了三款，有炆得夠軟的牛腱， 爽口雞腎同清新既腐竹，五香比較輕盈，香料味道特出。🎯椒麻手撕雞 半隻$68連雞頸，雞翼，雞腳都有，好足料，走地雞雞皮煙韌爽脆，肉質嫩滑有咬口，混合附加醬料， 椒麻味道更特出，連媽媽都讚好，比一般街市買既味道更優勝。🎯東坡肉飯 $40另外又買了一份東坡肉飯，留待回家時俾先生食，東坡肉炆得紅亮柔潤，看到就令人垂涎，飯餸分開，先生話炆得好軟，好入味。下次再試下其他菜式， 牛腩飯，回鍋