津屋爐端燒 (已結業)

好耐冇食日本菜，就同屋企人去左九龍城呢間日式餐廳食dinner。平時搭巴士成日見到呢間餐廳，今日終於可以試下了！佢呢到有唔同既日本菜，丼飯、壽司、麵、小食、燒物等！我地點左三樣野，包括呢個蔥吞拿魚腩三色魚生丼。呢個魚生丼好豐富，有三種唔同魚生，全部都好新鮮！另外，我地仲點左野菜廣島蠔粥，呢個蠔粥粥好正，清清地，啲粥吸收左蠔既鮮味，好鮮甜！最後，仲點左櫻花蝦炸豆腐，呢個炸豆腐外脆內軟，外皮有香脆既櫻花蝦，好惹味！