影片
更多
2018-05-06
2382 瀏覽
元朗晚飯好多選擇，唔想食大排檔，但又想食小菜，於是搵到方姐湛江雞。八點先嚟到，都仲有咁多人食緊飯，斷估都唔會唔好食，一於就試下呢間。見到餐牌，我又改變主意啦，有酸菜魚鍋 $198,我最鍾意食酸辣嘢，又有魚食，啱晒口味，而且酸菜魚窩通常有好多配菜，就點佢試下先。原來職員就係鋪頭名個方姐，佢好風趣，我想點多一個肉，於是點個椒鹽骨，但係方姐推介我食冰梅骨，係佢哋新菜式，話我試過包好食，咁就信你啦！食冰梅骨$88。原來酸菜魚鍋係用gas爐，好正呀，好耐冇見過，細個嘅回憶返曬嚟！仲要講下佢呢度嘅水，倒出嚟係熱辣辣嘅，飲落先知原來唔係普通熱水，係淡淡清香的檸檬水！好有心思！因為如果食得濃味嘅嘢，有檸檬水清下口腔，絕對可以提升味覺享受，讚！酸菜魚鍋原來係咁大盤，有啲擔心食唔曬，不過，原來係半條魚嚟嘅。條魚已經走過油，表皮炸到好脆，仲灑上炸蒜蓉，賣相好靚。職員教我哋用煮滾咗的湯，淋啲湯上條魚上面，用湯嘅熱力焗熟佢。用熱湯淋完幾下之後，好快魚中間嘅肉已經熟曬，可以開餐！呢條魚係大魚嚟嘅，會比較多骨，但係鍾意食魚嘅人都唔會介意多骨，因為多骨魚的魚肉通常滑啲，今次都唔例外，估唔到用湯咁樣滾佢法，啲肉仍然係好
八點先嚟到，都仲有咁多人食緊飯，斷估都唔會唔好食，一於就試下呢間。
見到餐牌，我又改變主意啦，有酸菜魚鍋 $198,我最鍾意食酸辣嘢，又有魚食，啱晒口味，而且酸菜魚窩通常有好多配菜，就點佢試下先。原來職員就係鋪頭名個方姐，佢好風趣，我想點多一個肉，於是點個椒鹽骨，但係方姐推介我食冰梅骨，係佢哋新菜式，話我試過包好食，咁就信你啦！食冰梅骨$88。
原來酸菜魚鍋係用gas爐，好正呀，好耐冇見過，細個嘅回憶返曬嚟！仲要講下佢呢度嘅水，倒出嚟係熱辣辣嘅，飲落先知原來唔係普通熱水，係淡淡清香的檸檬水！好有心思！因為如果食得濃味嘅嘢，有檸檬水清下口腔，絕對可以提升味覺享受，讚！
酸菜魚鍋原來係咁大盤，有啲擔心食唔曬，不過，原來係半條魚嚟嘅。
條魚已經走過油，表皮炸到好脆，仲灑上炸蒜蓉，賣相好靚。
職員教我哋用煮滾咗的湯，淋啲湯上條魚上面，用湯嘅熱力焗熟佢。用熱湯淋完幾下之後，好快魚中間嘅肉已經熟曬，可以開餐！
呢條魚係大魚嚟嘅，會比較多骨，但係鍾意食魚嘅人都唔會介意多骨，因為多骨魚的魚肉通常滑啲，今次都唔例外，估唔到用湯咁樣滾佢法，啲肉仍然係好滑，而且酸菜湯有少少酸味，畀魚肉吸收咗，真係食得好開胃！辣度方面，我點咗BB辣，因為朋友唔食辣，但佢都食到，都話正！鍾意辣啲嘅人絕對可以再加辣。
除咗條魚，佢嘅配菜都十分多， 見到成個魚鰾畀埋你，以前細個媽咪話食咗魚鰾會識游水，其實係呃我嘅，不過就係因為咁樣，我鍾意咗食魚鰾，喜歡佢滑嘟嘟！
跟住再食埋墊底嘅酸菜，大量芽菜，京蔥，冬菇，支竹等等。酸菜其實出過水，唔係好酸，就咁當菜食好開胃。牙菜爽口，吸收左酸菜魚湯，好鮮味，食極唔厭，可以當飯食添！d 魚湯我都飲埋！支竹吸收咗酸菜魚湯嘅精華，好惹味！咁多配料，真係食到最後都仍然有淨，我唔想浪費食物，但係真係太大窩喇，窩底有2吋深，d 配料就有咁多！早知唔叫個肉啦！不過都叫咗個冰梅骨，點都要留肚食埋個冰梅骨！
冰梅骨有八條，賣相好靚，下低見到以為係檸檬墊底，原來唔係，係炸番薯片！先說冰梅骨，由梅子醬煮成的汁，灑上炸咗嘅排骨上面，排骨外面脆脆的，咬落有肉汁，連酸梅汁一齊食，好開胃，超惹味，又香口，送啤酒一流！八條骨其實份量ok，因為都好多肉食，仲有墊底嘅炸蕃薯片呢！
食完排骨，再食蕃薯片。真係以為係零食嘅炸薯片一樣，完全係嗰種薯片味道，但係多一份新鮮感，因為係真係新鮮蕃薯，切片炸出來的，不是薯仔啊！裏面粉狀，外面香口，超級推介！呢個冰梅骨絕對如方姐所講，包你話好食！除非你唔鍾意酸甜醬味道啦。
總結，呢度嘅小菜，樣樣都好有心思，而且完全唔慳皮，連水都係檸檬水，交足功課，味道又調教得好，一定會再幫襯。埋單$286, 兩人晚餐好夠飽，個酸菜魚鍋配料都食唔晒。
張貼
