麥金.麥金馬來西亞特式茶啡室 (已結業)

今日係附近做完野, 記得之前有朋友話過E間麥金.麥金馬來西亞茶室幾好味, 於是襯6點禁堂食前, 整番個下午茶食下! 環境裝修得幾靚, 好有香港果種冰室嘅感覺, 中間仲擺左兩幅幾靚幾好笑嘅畫🌟馬來西亞拉茶(熱)食馬拉野又點少得熱拉茶, 師傅即場拉茶, 飲落口感非常滑帶微甜, 同港式奶茶最大分別係唔洗自己加糖🌟美碌恐龍(凍)入口美碌味道濃郁, 上面仲有層滿滿嘅美碌粉, 極之邪惡🌟羅漢果菊花茶(凍)飲落清甜味美, 帶微微菊花味幾好飲🌟我知你啦薄餅(半份)+半熟蛋(1隻)薄餅香脆可口, 帶煙韌口感而且唔油膩, 配搭兩款醬：仁當牛肉醬／咖喱雞醬都相當惹味🌟泰式炸蝦餅炸起熱辣辣超香脆, 蝦餅口感爽彈, 沾埋醬汁食無得輸🌟椰香鮮油咖央多士(半份)食落外脆內軟, 鮮油係口中溶化, 配搭咖央醬獨特嘅味道, 甜甜地好好味, 極推介🌟蛋黃奶油雞扒飯雞扒皮脆肉滑, 份量亦好足夠, 旁邊嘅蛋黃奶油醬, 甜得嚟帶點微辣, 非常開胃🌟一字骨肉骨茶肉骨茶底層有蠟燭燒住, 所以KEEP住都飲到熱熱嘅湯汁, 湯汁味道剛好, 一字骨啖啖肉, 骨肉分離好易食, 車車中意將湯汁加入白飯一齊食, 索哂D湯汁幾好味