源祖之味古早蛋糕店 (已結業)

咁啱經過見到差唔多出爈，就即刻去排隊。排咗10分鐘就可以買雲石紋朱古力。唔同味道嘅蛋糕，佢分咗唔同嘅隊，每一輪只會得10個人買到，每人只可以買一個，差唔多時間嘅時候就會派籌。出爐之後，店員會首先排好所有盒，然後切好所有蛋糕，放入盒之後先開始逐個俾錢排隊，原價係$75 ，但係只要like佢哋社交平台，就可以平$10。仲有好多唔同口味揀。拎到返屋企仲有少少暖，一路行嘅時候已經好香，返到屋企切開食，好軟熟，唔算好甜，小朋友都好鍾意食。