影片
更多
2023-01-20
2014 瀏覽
Bookmark咗呢間點心店好耐，聽過身邊好多朋友都推介，所以收工就同屋企人去試下。餐廳地點都幾方便，我喺地鐵站出行五分鐘左右就到，我六點半左右去到就唔使等位住。餐廳地方闊落，可以睇住師傅 喺廚房整點心，別有一番風味。 我哋兩個人嗌咗幾樣嘢share：荀尖蝦餃皇最鐘意食蝦餃嘅我當然要試下 ，果然冇令我失望，皮薄但唔會好易爛，入面啲蝦好大隻夠彈牙鳳爪排骨飯因為實在太肚餓，所以要叫個飯，排骨畀得好多，肥瘦啱啱好，鳳爪都有三大隻，好欣賞佢嘅飯煲得唔錯唔會硬！脆脆富貴紅米腸粉呢個腸粉係是日mvp， 首先外皮係紅色，夠曬鮮豔， 佢會配埋三個醬汁，包括豉油，麻醬同埋泰式辣醬，所以食落唔會單調。腸粉皮好滑，入面有啲脆脆好似炸両咁樣，中間有包住大大粒蝦，口感超豐富，好好食！蘿蔔絲酥酥皮做得好好，真係好鬆化，入面嘅蘿蔔切到一絲絲 ，軟綿綿，係一個唔錯嘅飯後甜品 呢間餐廳仲有好多新式點心，今次因為同屋企人一齊所以無試到，但都好驚喜佢傳統點心做得好食，下次一定要試下佢嘅新式點心
餐廳地點都幾方便，我喺地鐵站出行五分鐘左右就到，我六點半左右去到就唔使等位住。餐廳地方闊落，可以睇住師傅 喺廚房整點心，別有一番風味。 我哋兩個人嗌咗幾樣嘢share：
荀尖蝦餃皇
最鐘意食蝦餃嘅我當然要試下 ，果然冇令我失望，皮薄但唔會好易爛，入面啲蝦好大隻夠彈牙
鳳爪排骨飯
因為實在太肚餓，所以要叫個飯，排骨畀得好多，肥瘦啱啱好，鳳爪都有三大隻，好欣賞佢嘅飯煲得唔錯唔會硬！
脆脆富貴紅米腸粉
呢個腸粉係是日mvp， 首先外皮係紅色，夠曬鮮豔， 佢會配埋三個醬汁，包括豉油，麻醬同埋泰式辣醬，所以食落唔會單調。腸粉皮好滑，入面有啲脆脆好似炸両咁樣，中間有包住大大粒蝦，口感超豐富，好好食！
蘿蔔絲酥
酥皮做得好好，真係好鬆化，入面嘅蘿蔔切到一絲絲 ，軟綿綿，係一個唔錯嘅飯後甜品
呢間餐廳仲有好多新式點心，今次因為同屋企人一齊所以無試到，但都好驚喜佢傳統點心做得好食，下次一定要試下佢嘅新式點心
張貼
