石鍋堂

營業中

休息中

疫情下甚少出街食飯，今日陪妹妹去旺角買嘢，佢話請我食好味烏冬。位於通菜街既石鍋堂，細細間店面防疫措施都做得唔錯，每張枱都有酒精搓手液。👍雜錦海鮮烏冬$76石鍋烏冬，上枱時仲滾緊，海鮮份量都好多，新鮮大隻嘅蜆、蝦、蠔、元貝、蟹柳等。可以配搭唔同嘅湯底，揀咗黑蒜豚骨湯，味道香濃，烏冬滑溜彈牙，份量十足！👍😋蒲燒鰻魚飯$94原條鰻魚都夠大，石鍋上嘅原因切成幾件，賣相一般，但係肉質味道都唔錯！午市套餐送一杯凍熱飲品，凍檸檬茶、紅棗桂圓茶亦都有一定水準，下次會去食唔同嘅嘢食。