清真牛肉館 (龍崗道) (已結業)

平時黎依個都係食泰國野多,不過今次已經食左野,所以就唔去食喇,不過都想食少少野,所以就黎左依到,又比到我估唔到既驚喜,依到就係食牛肉餅,依到既牛肉餅係即煎既，所以要食既都要等下,不過唔好因為等而唔黎食,因為依到既牛肉餅係絕對值得我地去等既。依到既牛肉餅,整得外皮薄之外,仲要夠哂香脆,食落口個牛肉汁夠哂熱,可能會燙到口咁濟,食既時間一定要小心,咬第一口啖,第一次食一定會嚇一嚇,經驗之談,一定要細細啖咁咬,都有少少食緊小籠包既感覺,輕輕啜下裹面既肉汁同湯汁。之後就同個牛肉餡,有少少似漢堡包個種肉,不過依個比較鬆軟的。食既時間要小心熱同埋流哂D汁出黎,所以可以慢慢食,另外就有依個油豆腐粉絲湯，可能反差太大,唔算太特別,不過牛肉包真係好難忘。