軒寧樓 (已結業)

呢間中餐廳裝修唔錯，坐得幾舒服， 感覺乾淨， 枱同枱之間都有距離。套餐又幾抵食，就試下。自選孖寶套餐$388，兩個人食到捧住個肚。店員態度好nice，會介紹菜式。鮮茄豆腐魚鍋相當豐富既鍋，有龍躉片，豆腐，番茄，白菜。個湯一開始清清地，有滿滿既鮮味，但越煮越濃味，龍躉片鮮嫩，冇骨，豆腐好滑。自己最鍾意係呢個湯，值得一試。👍🏻薑蔥生蠔煲生蠔有6大粒，粒粒都脹卜卜，好肥美，鮮甜，keep到少少juicy。鍋低下係蘿蔔糕，索左生蠔既鮮味，又估唔到原來兩樣野係咁夾。 🤤蟶子皇 $136蟶子大大隻好多肉，蒸得啱啱好，入口鮮甜彈牙。蒜蓉醬入晒味🧄 粉絲唔會太淋，好好味👍🏻👍🏻