尋魚記 (已結業)

呢間鋪頭新開張，主打食魚和其他上海菜式。2種都係我喜歡食的，於是今晚同屋企人連埋小朋友一齊去試下。松子菊花魚呢條魚夠大條；而且不會好厚粉。魚炸得酥脆，屋企人連魚頭都食埋。那個汁也調得好，酸甜開胃，加上松子，蕃茄，青紅椒，最特別的是還有椰果，被我地極速清碟，非常推介。水晶肴肉水晶肴肉的頂和底部還保留了豬皮的彈牙口感，而且豬手肉大大粒，加埋果凍，十分高質，調味剛好。尋魚粒粒炒飯炒飯似糯米飯的口感，飯粒粒分明。加上臘腸、蝦同蔥粒，食落好惹味，份量又夠多。雲起甜拼盤呢個一上枱就噴煙，視覺校覺一流，好岩打卡。小豆涼糕夠軟滑，流心椰汁球和紅糖糍粑食落不油膩，新鮮炸起，外皮夠脆，內裡煙韌。餐點的味道都很合乎我們的口味，小朋友都食得津津有味。而且坐得舒服，值得推介。