曉 (已結業)

今日經過銅鑼灣見到樓下有個姨姨派傳單呢間新開嘅居酒屋，我哋就諗住試一試佢，發現佢幾好食而且服務很好。曉沙律沙律新鮮爽口，有蟹肉豆腐同巴拿馬火腿，口感豐富。炸雞軟骨香脆可口，送酒一流。慢煮叉燒用咗慢煮模式叉燒肉質軟林，加上芥末醬，香葱，蘿蔔絲一齊食，齒頰留香。飛魚第一次食呢個刺身，肉質爽口，魚味鮮甜，加咗香葱味道更香。免治雞肉棒雞肉鮮嫩多汁，加上雞蛋一齊食，蛋香味濃。炸物我哋叫咗炸蠔，炸雞比肉，炸喜魚，炸到外脆內軟，粉漿唔厚，加上沙律醬十分邪惡。芝士明太子玉子燒蛋味濃郁，好滑，入面大量芝士，有拉絲效果，好正。