樂天經典 (奧海城二期)

營業中

休息中

屋企人鍾意食中餐，於是帶咗屋企人去食新加坡菜，同中菜菜式好相似，而且又有一番風味。今日係星期一餐廳都接近滿座，服務員好快就安排咗我哋坐卡位，坐得好舒服位置有寬躺。本身想試吓佢個冰鎮苦瓜，不過今日賣晒，於是叫咗其他特色招呼菜，扣肉包有啲似我細個食開饅頭夾肥豬肉，扣肉就冇咁肥，而且佢加咗塊生菜，味道豐富啲。另外仲叫咗鐵板豆腐，拎嚟送飯就一流。仲有個老鼠粉，味道幾特別，服務員仲會幫手將啲檸檬鹹魚同煲老鼠粉攪勻，兩個人食細份都太多，如果3-4個人都差吾多。