鮨政 (已結業)

好耐冇食到性價比高，好食又抵食嘅日本餐廳，今次聽同事介紹來左香港仔呢間鮨政試，食完十分滿意！「鉄火卷」細細粒紫色包飯包魚生，一啖一舊好正！「刺身三點」有三款魚生， 包括有深海池魚，白身魚，仲有吞拿魚，魚生都幾新鮮，唔會話有怪味，食落好好食！「火炙鰻魚壽司」呢個大推，火炙鰻魚比普通鰻魚壽司更加好食，好香好正！「軟殼蟹卷」真係唔話得，軟殼蟹外脆內軟，再加蟹子，呢舊壽司擺入口真係一口滿足！「燒油甘魚鮫」中意魚油香建議點，好香魚油味，魚皮都香脆可口，食完真係仲想叫多碟食，唔夠喉！