古今

營業中

休息中

琴晚又去咗一間日本料理嘅餐廳。餐廳日本氣氛好好，座位尚算多，但因為坐正門口位，門口好似壞咗，一開就唔會自動關，所以經常有好焗好熱吹入，不過餐廳都好好，有放幾把電動風扇喺呢個位置。時令生蠔 $156生蠔鮮甜肥美，入口即溶，冰涼口感好正😃金龍卷 $103呢個卷物係炸蝦天婦羅紫菜卷上面有塊三文魚，口感好正，炸蝦香口，三文魚肥美，幾好味。西京燒銀鱈魚 $145銀雪魚好香好入味，塊皮特別正，卜卜脆，唔會油脂太多，魚肉有適量嘅魚油滲出，好嫩口。泡菜鰻魚炒飯$145份量都幾多下，鰻魚切得細細粒均勻滿佈炒飯上，所以每一口都食到有鰻魚粒，鰻魚油脂豐富，加上泡菜嘅酸辣，成個炒飯味道都幾開胃又惹味。