名海閣火鍋小菜 (已結業)

天氣咁凍，約朋友打邊爐自然成為約聚會既首選。朋友推介依間灣仔名海閣打邊爐，地點夠曬方便。係銅鑼灣行完街再行過來都唔使10分鐘，fit曬。去到坐底先叫左個炸魷魚豆腐雙拼小食，炸得好香口，又唔會太厚粉。人齊就叫左個鴛鴦鍋，一邊清湯，一邊沙爹，略顯沙爹味淡左d，下次可以試下麻辣湯。前菜叫左個手打四寶丸，每款3粒，食落彈牙有咬口，相當唔錯。叫左個大雪花牛，夠曬大碟，睇相都見到d脂肪分佈均勻，食落好夠牛味。叫左碟手切牛，都好鮮嫩滑口。仲叫左好多唔同野食，質素都唔錯，真係好抵食。