金鶴拉麵 (九龍城道) (已結業)

甚少出土瓜灣既我因為約左朋友係個邊食糖水，就順便係土瓜灣覓食一下，亂咁行俾我發現左哩間拉麵店，望入去有啲日本feel，但燈光就比較暗，座位要上兩樓，數量唔算多一坐低waiter就送上茶，menu同話係日本黎既濕紙巾。waiter服務都幾好，佢會留意到你睇緊邊款麵/邊頁，然後會介紹一下。我地2人點左餐廳招牌麵金鶴.雞白湯拉麵、活燒蒲燒鰻魚飯同雞泡魚乾。個金鶴.雞白湯拉麵幾特別，係香濃雞湯但好似有加左啲cream咁，拉麵賣相吸引，裡面有雞肉同叉燒，肉一啲都唔韌，好好食。我本人一向唔太中意食鰻魚因為成日都覺得有幼幼既骨，但呢到既鰻魚可以令我食好多加上佢既燒汁，真係唔錯。另外，我覺得最大驚喜係雞泡魚乾。平時食既都係又乾又硬。但哩到係乾得黎好似有啲juicy咁，唔會係勁硬。我大愛哩個小食♡食完好滿足，會想下次再食同試埋其他拉麵。