燉 (已結業)

週末喺荔枝角附近上興趣班，上完堂，幾個同學仔一齊去食飯，其中有一個話知道有間嘅有間餐廳嘅燉湯十分唔錯，所以我哋一行幾人，就嚟咗呢間位於荔枝角長義街嘅《燉》。我自己點咗一個燉湯加一個蒸飯。花膠螺片燉雞 ($68)，香氣撲鼻，用料足，有花膠、螺片、雞肉、豬肉味道鮮美，份量亦都多，大大一盅，我自己一個人飲，十分滿足。魚肚滑雞蒸飯 ($29)，魚肚份量多，又夠入味，雞肉滑溜味道鮮美。好食！一百蚊左右一餐，話平唔平，話貴唔貴，但係呢度嘅食物，足料有水準，我就覺得今餐，非常抵食。