大胃車仔麵 (已結業)

今日收工經過富昌搵朋友見到有啲餓於是周圍搵鋪頭，咁啱見到有間車仔麵檔，一於試下，點咗2碗4餸麵再包飲品的先80有找份量仲十足，先講湯底：無味精得來又好好味仲唔口喝，牛腩夠淋又好香非常有水準，鹵水雞翼、豬腸都係例牌嘢但鹵水有啲獨特嘅香味全都十分有水準，另外最驚喜嘅係佢嘅牛丸非常非常之正，有牛肉味又彈牙仲有肉汁添，香港地好難食到呢啲近似汕頭正宗嘅牛丸，係必食之一嘅餸，而家諗起都心思思想收工又過去食，估唔到呢啲屋邨都有間咁出色嘅麵檔。