大鼻滷 (沙咀道) (已結業)

平時都係我發板去邊間餐廳食飯，今次老豆話有間牛腩幾好食，兩父女撐枱腳咁話🤣呢間餐廳個名好得意—大鼻滷。其實係荃灣同大窩口交界，係大鴻輝果邊往寶石大廈方向行，反而OP個地址好似唔準。老豆叫左個牛三寶飯，有牛腩、牛筋同牛肚，飯好大碟，連餸都有好多。試左嚿牛筋，好稔好入味。見湯底有得加酸辣，我就貪新鮮試下，估唔到又同牛腩幾夾播。湯底多左好多酸豆角同店酸菜，辣辣地好過癮。餸要左崩沙腩，果然係招牌菜，爽滑有口感，又有牛味。水餃飽滿，木耳爽脆。腐乳通菜要左大份，腐乳比得超多，真係好大碟，我地差啲食唔晒。