匯倫館私房菜 (已結業)

偶爾想改變口味食下中菜，揀咗間旺角嘅樓上私房菜😋😋😋。環境比起酒樓乾淨舒服得多，價錢都唔算貴。✨炸乳鴿$68新鮮炸起皮脆肉嫩。肉比較薄身，鴿胸位都唔會嚡，一咬開勁多肉汁。✨薑蔥炒龍蝦$328餐廳用澳洲龍蝦，用魚缸養住，質素有保證。龍蝦先煎香再炒，肉質香脆又彈牙，亦保持到鮮味。配搭薑蔥香氣四溢，油膩感都唔算重。✨勝瓜浸魚肚$138勝瓜爽脆得嚟冇青味，去皮去得乾淨。魚肚厚身彈牙，滿滿骨膠原，仲一啲腥味都冇。