安南 (已結業)

閒時好少可食越式野…今日朋友心血來潮想回味一番...所以就黎左呢間安南...由於yoho mall熱潮已過...lunch time時份都唔駛等位...但基於時間既關係...都係由朋友order左先...我黎到就有得食啦...哈哈…蝦多士～外型蝦同多士混埋一體...咬開又層次分明...平時我唔多鍾意食...但呢件卻特別肥厚好肉...成個蝦卷咁...係腍與脆之一間...有咬口又彈牙...有別於一般舖頭...只係好求其咁放隻蝦係多士上面而已...令我另眼相看...浮萍餅～一叫就至少要食6碟...似蒸出黎既米漿砵仔糕...又軟又彈...有少少油炸鬼粒同蝦肉係面...加上魚露之類既調味...都幾特色...石榴沙冰+熱情果莫吉托～沙冰超凍...石榴味一般...飲到尾都仲好甜...熱情果有d似溝淡左既燒酒味...但朋友話幾好味...炭燒豬肉～侍應介紹係自選餸配料...加酸甜汁...用生菜包住黎食...但其實包住黎食都幾麻煩...但口感比較豐富...豬肉丸有少少辣...彈牙惹味...牛肉碎濕濕...唔韌幾香...砂鍋大頭蝦～名符其實好大個頭…有兩隻...開左邊都仲有好大舊肉食...好似成隻龍蝦仔咁.