小廚港作 (已結業)

今晚嚟到觀塘睇傢俬，所以晚餐都係喺官塘附近搵食，睇完傢俬行過見到生啫滑雞煲嘅廣告，而天氣又涷涷哋，咁就嚟試吓咧間位於觀塘成業街10號一樓嘅小廚港作。因為朋友完全唔食辣，同埋我哋唔係好肚餓，所以只係叫咗生啫滑雞煲試吓，$138 生啫滑雞煲，包一碟肥牛同埋一份唐生菜～～～一碟6片嘅肥牛同埋唐生菜，比你食完雞煲後放湯後煮，肥年同生菜賣相都幾靚仔吓。生啫滑雞煲，賣相唔錯，味道亦唔錯，如果能夠再比多啲芫荽同蔥就係100分完美嘅雞煲。個爐同埋Gas都係Made in Korea👍🏻👍🏻👍🏻一最後加湯比我哋煮肥牛同埋生菜！下次一定會再嚟會試下店內其他菜式，推介小廚港作嘅生啫滑雞煲！