影片
更多
2021-09-20
7 瀏覽
又到咗放工同同事食飯嘅環節，我就提議去尖沙咀食鷄煲，有一間我之前都試過，食物同價錢都幾吸引，今次再食過對呢間餐廳嘅出品都信心十足。呢度整體裝修都無咩點變，都好似之前咁，環境響同類食鷄煲或者打邊爐嘅餐廳黎講算係好好，起碼乾净衛生，冷氣都開得夠曬足，唔會食到身水身汗。呢到本身就係鷄煲、鴨煲同豬手煲任叫，跟住可以轉打邊爐，限時2個鐘，每位$198，超級抵食，但原來今次嘅餐牌有新搞作，加咗款牛魔皇套餐，每位只需加多$100，就可以任食美國極黑和牛，仲每位贈送澳洲M6和牛一客，就咁睇介紹就留曬口水。但係非常可惜，今日我地有位同事咁岩身體有D不適，戒口唔食得牛肉，作為好朋友就陪佢一齊唔食啦，相信其他野食已經夠好味。咁我地都點左一煲鷄煲同一煲鴨煲先，一如既往，甚至仲好食咗，而且兩款都唔同味，各有特色，鷄煲就味道以咸辣為主，勁香，而且收汁收得好好，基本上所有嘅醬汁都入曬鷄肉入面，好夠味又唔會令到肉質過柴，依然非常嫩滑；而鴨煲就好玩D，臨搞掂個陣淋上玫瑰露，再點火，立即香氣四射，起到畫龍點睛嘅效果，味道則偏甜，肉質可能比起鷄肉會實小小，但都超級好味。總之兩個煲都好有水準，非常惹味，不得不提入面索曬所有精
呢度整體裝修都無咩點變，都好似之前咁，環境響同類食鷄煲或者打邊爐嘅餐廳黎講算係好好，起碼乾净衛生，冷氣都開得夠曬足，唔會食到身水身汗。
呢到本身就係鷄煲、鴨煲同豬手煲任叫，跟住可以轉打邊爐，限時2個鐘，每位$198，超級抵食，但原來今次嘅餐牌有新搞作，加咗款牛魔皇套餐，每位只需加多$100，就可以任食美國極黑和牛，仲每位贈送澳洲M6和牛一客，就咁睇介紹就留曬口水。但係非常可惜，今日我地有位同事咁岩身體有D不適，戒口唔食得牛肉，作為好朋友就陪佢一齊唔食啦，相信其他野食已經夠好味。
咁我地都點左一煲鷄煲同一煲鴨煲先，一如既往，甚至仲好食咗，而且兩款都唔同味，各有特色，鷄煲就味道以咸辣為主，勁香，而且收汁收得好好，基本上所有嘅醬汁都入曬鷄肉入面，好夠味又唔會令到肉質過柴，依然非常嫩滑；而鴨煲就好玩D，臨搞掂個陣淋上玫瑰露，再點火，立即香氣四射，起到畫龍點睛嘅效果，味道則偏甜，肉質可能比起鷄肉會實小小，但都超級好味。總之兩個煲都好有水準，非常惹味，不得不提入面索曬所有精華嘅洋葱真係好食到停唔到口，太正啦！
跟住我地就轉打邊爐，岩岩食過濃味野，就想食翻清淡D嘅湯底，我地就選咗皮蛋芫茜湯底。其實食材方面都係應有盡有，有牛肉、蝦、蔬菜等食材，蔬菜主要都係出面嘅櫃自取，全部望落去都有水分，都算幾新鮮。老實講食到呢到已經有少少飽，每樣野都試下都ok，整體食物質素都水準以上，我地打邊爐最愛嘅肥牛同滑牛完全唔會好似外面D任食邊爐咁劣質，起碼唔係凍都未解，實骨骨咁，都有D牛肉香味，又唔會太肥，都算係咁喇。
呢間餐廳都無令到我失望，出品都保持到水準，只係我係度唸普通任食嘅肥牛都已經咁好食啦，如果食牛魔皇套餐嘅和牛咪高質到難以想象，都係加多$100蚊姐，下次我點都要再食多次！
張貼
