意粉屋 (已結業)

一家三人黎食晚飯, 我同細妹負責點菜, 打開menu, 決定要新出既食品!黃金蟹蓋螺絲粉, 螺絲粉好爽, 汁既份量剛好包住每條螺絲粉, 不多不少, 又不油, 蟹肉雜菌等材料既份量都ok, 不過蟹肉多d梗係好d啦!黑鑽石燴雞鍋配煙斗粉, 用熱鍋裝住好多雞肉, 少量雜菌, 薯仔等, 煙斗粉另外一碟分開上, 當熱鍋滾起既時候, 舀起雞肉連汁, 撈埋煙斗粉一齊食, 好美味, 我同細妹都話個汁好好味, 個汁睇落好似忌廉汁, 但味道就唔似忌廉汁, 總之大家都話好味啦!大力菜薄餅, 菠菜加雞肉, 餐牌寫住配日式燒汁, 我估係好似豉油個d汁, 但我食既時候, 都唔覺有咩特別既汁, 反而見到平時食薄餅都會有既芝士, 咁仲好, 因為我鍾意芝士多於其他既醬汁! 呢三款新食品都好味喎!