海街丼 (東港城)

營業中

休息中

朋友話佢屋企樓下開咗間新嘅日本野😍，仲好似幾正咁所以我哋就相約左去試下！😋入去之前服務員會幫我地清潔雙手同量體溫！👍🏼💡入到去個環境超靚！暗暗嘅燈光但同時光線都好充足，🪔有卡位、有長枱同吧枱。叫得海街丼，佢主打係提供🐟海鮮魚生類，所以佢餐牌裏面嘅食物主要係🌟魚生丼、魚料理、炸物同一啲日式嘅小食。呢一間店特別嘅地方係佢嘅丼飯會提供幾款嘅調味料同一支魚湯。😋支魚湯係俾你之後用黎倒落飯到做茶漬飯！❤️每個丼set都會有⭐️小食、⭐️柚子啫喱、芥末同⭐️魚湯。⭐️小食茄子🍆好林好好食😋⭐️醬汁吞拿魚牛油果🥑丼坦白講第一個反應係，😨咦！點解好似好少咁嘅。但食落好飽仲食唔晒！🤫佢有生蛋，所以我會先將佢吉爆，🍳撈蛋汁食，之後我就撈佢啲🍊柚子啫喱食，酸酸地非常開胃！剩返少少嘅時候我就倒入🐟魚湯，本身佢個魚湯都好好味，齋飲都好正！😋⭐️炸油甘魚👍🏼好推薦食呢個！一來少見啦，二來真係好好食！唔多骨啖啖肉！❤️