King's & Queen's 冰室 (已結業)

已經有一段長時間無到King's & Queen's 食野。今日重遊舊地，發現餐廳餐牌大更新，多左好多唔同菜式，而家提供多款燉湯，亦有秋冬必食羊腩煲，食物更多選擇，對食客必然係好事。🌟　潮式炸蠔餅蠔餅即叫即整，出到黎又熱又香脆，蛋同粉漿比例好好，唔會食到成口都係粉，蠔餅有大量香蔥芫荽香氣十足，而且蠔仔份量都算多同大隻，每一啖都食到蠔仔。🌟　招牌當紅炸子雞(半隻) 金黃色炸子雞新鮮熱辣呈上，擺盤非常精美。炸子雞皮脆肉滑，咸香味道適中，果然係招牌菜，極力推薦。🌟　通菜炒鮮魷 通菜依然保持翠綠色，口感爽脆。鮮魷爽口軟腍，配上蒜香一齊炒，食落味道又唔算太濃郁，咸香味道適中。🌟　黃金蝦球 黃金蝦球溫度十足，咸蛋黃呈現流沙狀態，濃濃咸蛋香送飯一流。蝦球肉質爽口彈牙，感覺用料絕不馬虎。🌟　鐵板黑椒豬手 豬手本身鹹道適中，食落軟腍得黎亦保持咬口，每一舊豬手肉都依付軟膠質食落口感相當唔錯，再加上香濃黑椒汁同大量洋蔥，非常惹味。