影片
更多
2023-08-23
26 瀏覽
呢日去杏花村探朋友，發現原來杏花新城開咗間「走過十萬八千里找到你」，之前食過旺角嘅分店，無論環境同食物質素都唔錯，二話不說同朋友入去試吓先。餐廳仲有新開張優惠，見佢晚餐價錢大概由$78- $268，食物有意大利飯、意粉、牛豬雞肉都有。晚餐已經包咗餐湯同飲品，另可加錢配搭薯條，雞翼及甜品。帶子蟹肉蟹膏意大利飯（$125）- 意大利飯入口creamy，帶子、蟹肉好鮮味，加埋蟹膏，味道好濃郁。溫泉蛋海膽汁蟹籽意粉（$128）- 個sauce充滿海膽味，加埋溫泉蛋，醬汁掛滿意粉，意粉亦煮得彈牙。士多啤梨白茶 （+$18）- 味道清香，有淡淡嘅士多啤梨味。擺盤好靚，有束小乾花喺旁邊。菠蘿芒果奶昔（+$28）- 奶昔入口軟綿綿，好香滑，帶菠蘿同芒果嘅果香味，夏天又啱晒。餐廳環境舒適，有唔少花花裝飾佈置。食物質素幾好，價錢相當合理。
呢日去杏花村探朋友，發現原來杏花新城開咗間「走過十萬八千里找到你」，之前食過旺角嘅分店，無論環境同食物質素都唔錯，二話不說同朋友入去試吓先。
餐廳仲有新開張優惠，見佢晚餐價錢大概由$78- $268，食物有意大利飯、意粉、牛豬雞肉都有。晚餐已經包咗餐湯同飲品，另可加錢配搭薯條，雞翼及甜品。
帶子蟹肉蟹膏意大利飯（$125）- 意大利飯入口creamy，帶子、蟹肉好鮮味，加埋蟹膏，味道好濃郁。
溫泉蛋海膽汁蟹籽意粉（$128）- 個sauce充滿海膽味，加埋溫泉蛋，醬汁掛滿意粉，意粉亦煮得彈牙。
士多啤梨白茶 （+$18）- 味道清香，有淡淡嘅士多啤梨味。擺盤好靚，有束小乾花喺旁邊。
菠蘿芒果奶昔（+$28）- 奶昔入口軟綿綿，好香滑，帶菠蘿同芒果嘅果香味，夏天又啱晒。
餐廳環境舒適，有唔少花花裝飾佈置。食物質素幾好，價錢相當合理。
張貼
