手作之店

營業中

休息中

深水埗蒲開都知道西九龍有間手作雪糕店，一向受人歡迎。店員好好，不停問我地要唔要試食，最後塞咗豆腐味同麥芽味比我地試。但小妹鐘情抹茶同曲奇味就冇叫到店員嘅推介。手作雪糕真係好抵食，係窮人恩物，價錢如下:小單球$7升級小單球$8大單球$10升級大單球$11 原本只想叫一個口味，但之後見到個牌寫住買一球第二球+$4，即係以升級大單球價錢就可以買兩個口味，即刻心動💗奶味抹茶雖然雪糕質地軟滑結實，但冇乜抹茶味，不過不失啦。飄雪曲奇奶味濃郁，入面有好多曲奇碎，甜味適中。又平又好食嘅雪糕去邊度揾呀，寫寫下食評又想食多杯了！