風月堂 (已結業)

上星期因為老婆的iphone4有些問題, 所以要拿到旺角的數碼通服務中心處理, 之後到了風月堂吃晚餐, 之前差不多次次都要等位, 但這天卻出奇地不用等, 可以即入, 不過是坐二樓, 有些嘈, 不夠三樓坐得舒服, 點了忌廉海鮮意粉, 日式咖喱牛肉奄列飯及菠菜雞肉卷.忌廉海鮮意粉份量幾多, 有蝦, 青口, 帶子及魷魚, 啲海鮮幾好味, 尤其是蝦很大隻, 比起一般店子用的大. 日式咖喱牛肉奄列飯一樣很大碟, 而且好有日式咖喱的味道, 牛肉份量都唔少, 不過奄列唔係應該將啲牛肉放入蛋內面的嗎? 這兒的只是把牛肉放在上面, 感覺上唔係好正統, 好彩味道無問題. 菠菜雞肉卷都幾好味, 一碟有六件, 每件size唔細, 而且外面個皮幾脆, 入面的菠菜及雞肉唔會太乾身, 好食.雖然這這兒的服務說不上很好, 因為人手上好似唔係好足, 但啲食物整體上其實唔差, 而且幾好坐, 難怪經常見到啲三五成群的朋友在這兒食嘢(尤其是一大班女仔), 加上食物款式都算多, 所以我們都幫趁過好幾次了.