食得喜小廚

營業中

休息中

對我呢一啲勞動人民嚟講 ， 因為成日要做粗重嘢又要趕頭趕命 ， 兼且又食無定時，午餐最緊要大份， 最重要多送多飯，乜都大乜都多仲要係平靚正， 冇辦法唔係我擔心但現實就係咁樣。昨天嘅lunch 就係呢間餐廳嗰度買咗一盒飯盒，呢個係兩餸飯盒，就係海南雞拼茄子豬肉， 嗰啲飯唔係白飯係有味飯，係有雞油味嘅，好好味 海南雞都比得唔算少，雖然係有骨嘅但係都叫做厚肉而且雞肉都算幾好幾嫩滑， 加埋有一個酸酸辣辣嘅海南雞醬都幾好味， 蕃茄子豬肉就有少少咖哩味，其實食落好有泰式風味咁樣， 海南雞嘅底隧有啲菜墊底， 總之有茄子又有豬肉又有雞有菜又有飯，我就覺得營養豐富，又平又靚又正。