雄泰

營業中

休息中

🌟聯和墟又開泰國菜既餐廳🌟梗係試一試。店面好有泰國懷舊餐廳感覺，感覺好乾淨好舒服。我今次第二次食 ，有得第二次證明d野食幾好。我第一次食香葉肉碎煎蛋飯 ，老公食海南雞飯。黎到見到份量比較細（女仔可以，男人一定吾飽）。我個飯香味四溢，我試左一啖，已經知道我會繼續支持呢間小店。老公個海南雞飯一到，佢拿拿臨試下個油飯，老公一句：好香。我又試下，好香香矛味，而且有小小棷香味（地道泰國味），真心好味。今次第二次，我食返海南雞飯（好掛住個飯味）雞都滑，我清哂。老公今次叫火車炒飯定火車頭，一到，又好香，濕濕地既炒飯先係泰國炒飯既特別。個炒飯整體好味。好 又講下杯凍奶茶，係，係好甜，但完全飲到泰國街邊味，我like 👍🏻👍🏻👍🏻👍🏻👍🏻希望小店可以繼續做（之前轉過好多手）我好耐未係粉嶺食到真正泰國味。🌟🌟🌟🌟🌟支持支持。亦希望份量上有多少少調整，我相信會吸引更多人。亦希望保持水準，因為質素非常重要。我會介紹比其他朋友