大喜屋 (已結業)

見朋友最近喺馬來西亞返嚟，就揀咗大喜屋食放題。言談間先發現，原來朋友係未食過日本放題，我確實感到驚訝。預約咗8:30，大概8:15左右就同朋友行過去餐廳，去到已見有少少人龍，我行上去同個侍應姐姐講個預約號碼，跟住佢會俾張紙仔你。排隊大概排咗15分鐘左右，就搭升降機去位於7樓的大喜屋。食物方面，我哋主要點咗刺身加少少壽司。落咗單唔使好耐就有得食。由於我好鐘意食甜蝦，所以叫咗兩轉。刺身整體感覺好新鮮，厚薄適中。不得不提赤貝，好爽口夠鮮味。海膽手卷，海膽食落無腥味，但海膽份量好似少咗d。熱食就點咗個牛肉窩，賣相又唔錯，剩係望住隻蛋已經覺得好吸引。牛肉份量唔少，夠嫩口，食唔到有根。仲有其他菜同薯粉，成個窩好足料，但味道就稍為甜咗少少。燒物/炸物就叫咗燒牛舌，牛舌加上調味料好入味。炸芝士年糕，外層炸到金黃色，口感好soft，芝士味好香。飲品方面都好多選擇，但個人獨愛呢隻忌廉溝鮮奶，每次飲都好滿足。甜品叫咗milk top 的海鹽雪糕，咸咸哋嘅雪糕好少食，但milk top 呢款又唔錯喎。。更新版。