Lamlam脷 (已搬遷) 新店位置

家姐今日收工無啦啦拎左個蛋糕番黎，但明明無人生日，又無野要慶祝，覺得幾奇怪，點知佢話，呢間野好出名，出名到訂單要等幾個月先有得拎。佢公司同事請過佢食，覺得好正，就訂左。仲要特登去一個唔係咁方便既地方拎。咁巴閉，即管一試。朱古力流心7吋$190話千層，但其實唔係真係好多層果隻，比起lady m果類名店，係少左好多層，但可能因為少層ｄ，而皮又超級薄，Cream既比例就多左，層層疊疊，做倒入口即溶既感覺，好正呀。朱古力味唔係超濃，而係行好滑好creamy路線。入面流心好正，真係好好奇到底點整倒，好特別，一家人都幾鐘意，仲想試其他味，家姐食完當晚再訂，已經排到下年啦，果然真係超人氣。