和 Can (已結業)

大學canteen食飯通常唔會特別好食。燒味一向係最有保證嘅選擇，因為唔會難食得去邊。今日落和can食咗切雞米粉，估唔到又幾好味！燒味師傅俾咗雞脾我，肉質好嫩滑，有雞味！唔知係咪因為特登請師傅加左蔥油，特別好味。米粉嘅量好多，唔會太淋又唔會太硬，連埋鹹味適中嘅湯底就最好！另加左一杯好立克，味道都唔錯，飲得出係加左好多花奶，幾香滑！估唔到需要好忙無時間出去食，但係喺學校食飯但係都食到令人滿意嘅食物。